Marrëveshja e Ohrit nuk u realizua por disa njerëz realizuan ëndërrat e tyre dhe gjëra që vet as në ëndërr nuk i kishin parë. -nga Artan Dika

Disa nga qibritashë u bënë drejtorë, nga badihavxhi rrugësh u bënë ministra, nga juristë e ekonomistë që në studime lusnin mësimdhënësit për notë kaluese sa për të siguruar bukën e gojës u bënë drejtues institucionesh me peshë, nga blerës të diplomës së mjekut u bënë përfaqësues me mindila të shëndetësisë në vend, nga konsumues të xhevrekut për mëngjes ndërtuan shtëpi moderne, nga cuba katundi u bënë njerëz me rëndësi, nga lapera u bënë njerëz të respektuar, nga qyrroshë të lagjes u bënë personalitete me ndikim, nga brekëgrisur me këpucë si të Lulit të vocërr tani vozisin xhipa e mercedesë, nga nepismena u bënë profesorë universitarë, nga hajdutë e mashtrues ordinerë u bënë biznesmenë të suksesshëm … e kush mund të thotë se Marrëveshja e Ohrit ka dështuar tërësisht?

Si thonë këta që janë në qeveri: shumë punë ka mbetur të bëhet, por nuk është e vërtetë se nuk është bërë asgjë.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *